kijetesantakalu Panka

nimi ona li nimi "Pancake" lon toki Inli

ni li kijetesantakalu Panka!
tenpo pini la, kijetesantakalu Panka li sona ala e ma pi jan mama ona. taso jan ante li kama lukin e ona li pana e ona tawa mi. tenpo ni la, mi awen e ona!

ona li lili MUTE (sama ala kijetesantakalu ante). tan ni la, mi toki e ni tawa jan misikeke. tawa jan misikeke la, ona li pona lukin li pilin pona. ale li pona! taso mi awen pilin monsuta lili...

kijetesantakalu Mapo

nimi ona li nimi "Maple" lon toki Inli

ni li kijetesantakalu Mapo!
mi pana e olin ale mi tawa kijetesantakalu Panka, taso ona li awen pilin wan li wile e kijetesantakalu ante... tan ni la, mi esun e kijetesantakalu Mapo!

ona li suli MUTE li moku ale....
tenpo mute la, ona li lape lon luka mi, suwi a!
kin la ona li utala musi e mi, taso tenpo mute la, mi kama nanpa wan...